"قدمت والورق اتقبل واتحدد لي امتحان في شهر اتناشر (ديسمبر) في الجهاز المركزي للتنظيم والإدارة. سافرت وامتحنت، والحمد لله النتيجة ظهرت ونجحت. وبعدين أسماءنا أعلنوا عنها في المديريات واتحدد لنا معاد تدريب تربوي وقالولنا هتستلموا العمل في التيرم التاني. وبعدين نزلنا تدريب تاني بعدها بشهر ونصف تدريب بدني. وطلع الكتاب الدوري واتقال فيه إن كلنا لازم ناخد دورة تدريبية في الأكاديمية العسكرية ست أشهر لأي حد هيتعين في الدولة. ونظرا لعددنا الكبير قالوا هتروحوا اختبارات وهتبقى روتينية وكله تمام، وده كان بيتقالنا حتى في الحربية.